Fai mai le tamaitai taalo iloga a Niu Sila i tagapolo, Lydia Ko e leai sona manatu o le a iai ni suiga i ana fuafuaga pe a faataunuu lana faaipoipoga lea ua ta’ua i nisi o lipoti a le aufaasalalau, o le a faia i le masina o Tesema o le tausaga nei.
O Lydia o loo tulaga fā i le taimi nei i le lalolagi atoa i lea faagatama ma ua lipotia e le Televise a Niu Sila sa ia faamaonia lava i Jakarta i Indonesia ua mae’a le la faamau ma le alii o Chung Jun, o se alii Korea.
E faafetaia e Lydia ona aiga i le lagolago ia te ia ma lana taleni ae fai mai a ia, o le a lē suia ai fua lana schedule ona o le laa atu i le isi laasaga i le soifuaga o le tagata soifua.
