Ua faailoa mai e le faigamalo a le Feterale ua faia nei lana faaiuga ina ia faia se suesuega i le siitia o le tau mo le tausiga o fanau,child care costs ma o le a faia lea suesuega i le tausaga fou ina ia faamautinoa o loo o gatasi tupe faaalu ma le mafuaaga tonu ua siitia ai ia tau.
O le suesuega sa faia mo le tausaga ato e le Australian Compettion and Consumer Commission, le ACCC, ile tau o le totogi o nofoaga e tausia ma vaaia ai tamaiti, atoa ai ma le mafuaaga e alai ona siitia le tau totogi ua iloa ai e 41 pasene ua siitia ai le totogi o ia auaunaga i totonu o le valu tausaga talu ai.
Ua talosagaina foi la le ACCC ina ia faia ni fautuaga pe faapefea ona faa faigofie le system ma gafatia e le toatele.
Fai mai le lipoti i le ABC e manaomia le 11 miliona e faa alu ai i nei suiga ma o le a aofia i le tala o le tupe i le tausaga fou. O le saunoaga mai le minisita o aoga o Jason Clare ua taua ai o le auga tonu o le suesueina poo le iloiloga ina ia faamautinoa mafuaaga tonu o loo agai ai i luga le tau o nei auaunaga ma ia faamautinoa o loo faia iai le gaioiga talafeagai e faafetaui ai.
