Ua faamaonia le solitulafono o ni tagata se toatolu i moliaga e 9 faatatau i le faaaogaina faasolitulafono o tagata faigaluega malaga mai i le atunuu i le polokalame a le RSE.
Ua lipotia i le asō o ia tagata e toatolu na o latou faatulaga le faafaigaluegaina o ni tagata mai Papua Niu Kini i Niu Sila nei i se tulaga faasolitulafono e aofia ai galuega faavaitaimi.
O i latou sa faafaigaluegaina i lalo o lenei fuafuaga faagasolo i le 2013-2016 e talitonuina sa faigaluega fulltime ma sa manatu o le a totogiina i latou i le tai 15.00 i le itula, o se totogi ua maualalo atu nai lo le totogi maualalo o galuega o iai nei.
O i latou ua molia e talitonuina sa o latou fesoasoani ma faatino gaioiga e aumai ai ia tagata faigaluega i le atunuu i ni tulaga lē sa’o ma faamatalaga sese.
O le aso 30 o Mati o le a lauina ai lo latou faasalaga i le faamasinoga faaitumalo i Te Awamutu.
