O lea ua iloa ma faailoa i luga o upega tafailagi le suafa o si tagata poo le pasese a le vaa lea na pa’ū ese ma le cruise ship i le amataga o le vaiaso nei pei ona lipotia atu muamua e talafou. 

O si alii mai Brisbane e suafa ia Warwick Tollemache e 35 tausaga le matua, na pa’ū ese mai ma le vaa o le Quantum of the Seas poo le ta o le 11 i le po le Aso Lulu o le vaiaso nei a o iai lea o le vaa i le tusa ma le 1400 kilomita mai le Hawaiian Islands. 

Sa faia sailiga a le Coast Guard a Amerika mai le taimi na tupu ai le faalavelave faatasi ai ma sailiga a le auvaa ae ua faailoa e lona aiga i se pepa o faamatalaga, o latou ua lagona lava le mafatia, o lē ua aafia o se tagata alofa ma e fiafia iai le toatele ma o le a matuai misia.

E lei maua lona tino ae ua faaopoopo ane foi nisi ua fesoasoani ane i lea sailiga.