O le pepesi o se tasi o faamai e mafua mai i namu ua faamaonia mai nei i Niu Sa Uelese mo le uluai taimi.

Ua faamaonia mai e le NSW Health o le uluai tagata ua aafia i le Murray Valley Encephalitis ua faia nei iai suesuega, o se tamā pe 60 tausaga le matua e talitonuina ua aafia i le faamai i le masina o Ianuari ma o loo togafitia nei i le falemai.

Fai mai lipoti e foliga na aafia le tamā lea i namu i le Temora Shire ae e leai se togafiti patino i lenei faamai ma ua unaia ai tagata ina ia puipuia i latou mai namu ina ia alofia ai le aafia i le faamai. 

O auga o lea faamai e aofia ai le fiva, tiga o le ulu, faafaufau tulou, faasuati, lē fia taumafa, manava tatā ma le tiga o maso o le tino.