Ua faamaonia mai ua maliu le avetaavale o se taavale na aga’i ane i se auala i NSW ae lei ‘afa le 6 i le afiafi ananafi ina ua taia le fā’ata i luma o lana taavale i se aitema na fiki mai se caravan sa toso ane i le isi pito o le auala i Griffin Way i Galong.
O le faamatalaga a leoleo e foliga o le aitema lea na taia ai le fā’ata i luma o le taavale ma aafia ai le avetaavale e 49 tausaga mai Canberra ma aafia ai lona ulu.
Na maliu ai lava i le nofoaga lea a o le’i taunuu atu le fesoasoani faavavave.
E le’i iai nisi tagata na manunu’a ai i le faalavelave peitai o se tinā e 48 tausaga ma nai teineiti e to’alua 16 ma le 13 tausaga le matutua na faimalaga faatasi ane ma si alii ua maliu, na ave atu i le falema’i i Canberra mo togafitiga ona o le faate’ia i le faalavelave.
Fai mai le 7News o le isi alii e 32 tausaga sa tosoina le caravan e pei ona ta’ua sa ave foi i le falema’i mo le faia o siaki.
O loo faaauau le su’esu’ega a leoleo ma talosagaina nisi e silafia ni faamatalaga i le faalavelave ina ia fesoota’i ane.
Puna o Faamatalaga: https://7news.com.au/news/tragic-nsw-car-accident-man-dies-after-being-struck-by-object-from-towed-caravan-c-17019130
