Ua faamaonia mai le malemo o se alii i se tasi o nofoaga taatele mo tafaoga a turisi i le itu i matu i sisifo o Newcastle i le setete o Niu Sa Uelese.
Fai mai na valaau ane le fesoasoani faavavave i se nofoaga mo taelega e faaigoa o le Ladies Well i Upper Allyn i le tea o le 3 i le aoauli ananafi.
O le au maulu a leoleo ma le vaega laveai na tali atu i le valaau mo se fesoasoani ma sa o latou maua ai le tino maliu o lē na aafia ma aveesea mai le vai faatalia faamaoniga.
E talitonu e pe a ma le 20 tausaga le matua.Ua faasa nei le nofoaga mo suesuega a leoleo aemaise le saunia o se lipoti mo le coroner. Talosaga le au suesue i nisi e silafia ni faamatalaga i lea faalavelave ina ia fesootai vave ane.
Puna o Faamatalaga: https://www.9news.com.au/national/nsw-ladies-well-upper-allyn-swimming-hole-man-dies/de7fe755-f532-456e-bcee-aa9ed293d956
