O se tasi o tagata pese lauiloa a Ausetalia o John Farnham ua ia faailoa ua aafia i le kanesa ma o le aso ananafi sa feagai ai ma se ta’otoga i le falema’i i Melepone.
O Farnham 73 tausaga ma sa faamatuu mai se pepa o faamatalaga mai lona aiga e faamaonia ai le tulaga o gasegae ua aafia ai ma togafitiag o loo faatino.
O ia sa mauaina le faailoa Australian of the year i le 1987 ma e 19 faailoga o Aria Awards ua ia maua. O se uo mamae i le tamaitai pese lauiloa a Ausetalia o Olivia Newton John sa maliu talu ai nei ma e tele foi faafiafiaga na o la galulue faatasi ai mo le sailia o fesoasoani mo le atunuu.
