Ua faamaonia mai e le Optus a itiiti mai pe a ma le 2.1 miliona faamaumauga o tagata ua aafia ma gaoia i le osofaiga na faia i upega tafailagi a le kamupani, le cyber attack.

I le mae’a o suesuega sa faia a le kamupani fai telefoni ua faailoa mai ai nei e 9.8 miliona ana paaga na osofaia o latou faamaumauga ma e talitonu o le 7.7 miliona o i latou ia e le manaomia ona toe suia fua o latou ID.

Fai mai o le 2.1 miliona e pei ona ta’ua e aofia ai le tusa ma le 150 afe o tusifolau ma numera o le medicare.