Afaina le leoleo a o faia ona tiute ananafi, ma o lea foi na toe toso ai ma tagata toaono na auai i le tetee o loo taualagaina ai pea le lagolagoina o tagata Palesitina.
Pe tusa ma le toaselau i latou na auai i lea tetee ma o Iea na o latou polokaina le auala e ulufale ai ma toe agai ese mai le uafu i Aukilani, ma e poloka o loo tauvalavalaau e faamuta ia pomu o loo tigaina ai Gaza ma faaleaogaina maliega tau fefaatauaiga o loo iai nei i le va o Isaraelu ma Niu Sila.
O lea lava na amata o usitaia le tulafono i taimi o tetee, peitai na o latou polokaina loa le auala o i na lapatai ai loa e loaloa ma faatonuina e oese.
Ina ua faatetele, na faaaogā ai loa ma le pepper spray i se tasi o tagata.
O le toaono ua ave e leoleo e mafua lea i amio lē pulea ma faalavelave i galuega a malu o le malo, ae o le leoleo e toatasi na faamanu’alia ai e lē o ni manu’aga tuga ma e lei moomia le auina atu i le falemai.
Mai leoleo, o ni amioga a i latou nei na tetee ananafi, e matuai lē moomia pe taliaina foi.
