Ua saunoa manino le loia sili a le atunuu, Mark Dreyfus o le peimeni sa totogi e le Faigamalo a le Commonwealth i le tamaitai o Brittany Higgins, sa faia i le tusi tulafono.
O le faatalanoaga i luga o le polokalame a le Today na fesiigia ai le alii loia i le tulaga i le vaegatupe lea sa tuuina i le tamaitai sa faigaluega i le ofisa o le Palemene lea sa tele ai le mau lipoti a le aufaasalalau i se taimi e lei mamao atu ina ua ia faailoa sa faia ni uiga matagā fai faamalosi ia te ia e se isi foi alii e faigaluega ai i le Palemene, o se mataupu ua gugulu ai le atunuu i le tele o le mau faamatalaga ua alia’e nei mai lea mataupu lea e aofia ai ma le vaegatupe o le compensation sa tuuina i lea tamaitai.
Fai mai le alii loia e taatele le faiga lea a le Commonwealth o le faamautu o se mataupu i tulaga faapea ae ia ioeina le faatumau pea o lona tulaga faalilolilo, confidentiality.
Na ta’ua foi e le alii loia e le o se mea fou le tulaga lea o le totogi o se tupe ae lei iloa ma maua mai se iuga o se faamasinoga.
Na faailoa e lē sa avea ma minisita o le puipuiga i le faigamalo talu ai Linda Reynolds, e na te ono tuuina le mataupu lea i le komisi suesue i tulaga o faiga faaalatua ma le sa’o anti corruption commission pe a amata a latou galuega ia Iulai.
