Atonu o se faamanatu ma se lesona mo tagata uma e ono silasila foi iai, I nisi o faiga taufaasese ma taufaavalea e fai lava ma aliae mai e pei ose mataupu na semanu e aafia ai se aiga mai le Northern Beaches I Sini nei.
Lipotia I le 9 news ile vaiaso nei le tuuina mai ose fautuaga ma se lapataiga foi mai lea aiga mo tagata uma o Ausetalia ina ia mataala ma silasila totoa ma mataitu faiga taufaasese e ono tele sona aafiaga I le soifua o le tagata aemaise lava I nei taimi faigata o le pepesi o le faamai.
O Cassie ma Dennis Aviles na o la tuuina le 1.1 miliona I se tagata sa o la talitonuina o se loia ina ia faamautu ai le faatauina o le la fale fou . Fai mai na agai ile faletupe ma faia le transfer o le tupe ile acc sa tauina ane ia laua. E toatolu si la fanau ma safaatau leisi o la fale sa iai e fesoasoanai ai ile faatauina o le fale fou.
Fai mai o le vaiaso nei na maua ane ai se imeli mai le tagata lea e talitonu o le loia ma faatonu ane ai le transfer o le tupe ise acc ma e foliga e moni ma legal le imeli, sa faailoa iai e le aiga ua maea ona totogi le tupe iseisi acc faapea a latou o le acc lea a le kamupani ile commonwealth bank.
O loo taua ile lipoti na logoina e le ulugalii le latou loia masani ma iloa ai o ni faiga taufaasese ua aafia ai mae fai mai le loia sa tatau foi ona iai ni faiga faatulaga e le faletupe e puipui ai ituaiga tupe tetele faapea.
Ua taua ile lipoti o loo faatalia se tali mai faletupe ae ua faailoa e le aiga ole tupe ua taofia le transfer ile taimi nei e le bankma o le a toe faafoi ane ile aiga I ni nai aso o lumanai ai. Fai mai le faletupe ia siaki muamua ma faamautu le tagata o loo tau ave iai le seleni ae lei faatinoina lea tulaga.
O loo faia nei le suesuega a leoleo I lea mataupu.
