Ua fautuaina e le matagaluega o le soifua maloloina tagata o loo aumau i le Central Coast i Niu Sa Uelese e tusa ai ma āuga o le meningococcal ina ua maua i lipoti e toalua ni tagata mai le faaitu lea na faamaonia aafiaga i le masina talu ai.
O le faatonu faaitumalo o le soifua maloloina i le faaitu lea o Dr Kathrine Taylor ua ia valaau nei i tagata ia silasila i āuga e ono aafia ai nisi o aiga ma ia vave ona vaaia se fomai.
O le meningococcal ma ona āuga e vave ma faafuasei ona vaaia i tagata ma e vave foi ona aafiaga.
Fai mai le fomai a lagona pe masalomia o loo aafia ia vave loa ona agai e vaai se fomai ae aua le nofoai ona o le gasegase lea e vave foi ona aafia ai le soifua pe afai e le vave ona faia iai se togafiti.
E aupito ogaoga i tamaiti e i lalo o le tailima tausaga ma le 15-20 tausaga le matutua ma o āuga e aofia ai le fiva, tata vave o le fatu, malulu o lima ma vae ma faafaigata foi ona ala i luga, e le gata i lea o le tiga o le tino, tiga tutui le ulu, le fiafia i moli malolosi, tiga le ua, mageso foi le tino.
