O le faamanatuina o le Aso o Tina o Samoa o lenei tausaga e ala i faalelega pepe ma faailoa siapo o galuega sa gapatia ai tina o fale lalaga a komiti o nuu i itumalo eseese o le atunuu, ua taualuga mai i le faaaliga tele i lumāmaota o le Malo.
O le afioga i le Sui Palemia sa avea ma sui o le malo ma le matagaluega o tina ma tamaitai i le sauniga o le Aso o Tina o Samoa i Upolu ae o le tamaitai minisita o le matagaluega o tina ma tamaitai atinae o afioaga ma aga fesootai sa auai i le Aso o Tina o Samoa i le motu o Savaii.
O ia sauniga sa faia ai ma faalelega pepe o le faailoaina o le ie Samoa tosi tasi, tosi lua ma le tosi tolu faapea ma siapo.
O le autu o le Aso o Tina o Samoa i lenei tausaga, Ia futiafu e tasi mo avanoa Tutusa.
O le toesea ai o le minisita o tina ma tamaitai mo fonotaga faalemalo ua tauave ai e le Sui Palemia le vaaia o lea matagaluega, lea na saunoa i le sauniga mo tina i Upolu lea na faia i le afioaga o Poutasi i Falealili.
Le afioga i le Sui Palemia o le sui minisita o tina ma tamaitai atinae o afioaga ma aga fesootai, le afioga Tuala Tevaga Iosefo Ponifasio.
