O le aso malolo lenei i Ausetalia, le Australia Day ma ua vaaia ai le tumutumu o nofoaga o loo faia ai sauniga faamanatu o le aso malolo aemaise foi o matafaga ona e fai si vevela o le tau i le atunuu.
Ua lipotia foi le iai o solo tetee o loo faia i isi vaega faapea ma solo poo parade ua faatulaga e aofia ai ma koneseti e faaiu ai le aso i le po nanei.
Ua faailoa e leoleo ua faaopoopo le aofai o malu o le malo o loo faigaluega i le asō ma ua faaaoga foi meapueata suesue e fesoasoani i le latou galuega.
Ua faailoa foi e le Opera House i Sini se tasi o mataaga o le a faailo i le asō i le fale atoa ma galuega tusiata ua ave ai le faataua i tamaitai Gadigal women of the Eora nation ma o le a sisiina ae foi le fu’a a Ausetalia ma le fu’a Apoliki i luga o le Harbour Bridge.
E masani ai i tausaga taitasi ona filifilia tagata e maua faailoga taualoa a Ausetalia ma ua mae’a faalauiloa foi lea lisi i se sauniga faapitoa sa faia a le malo.
