O le asō lea e faamanatu ai le taua o galuega a tusitala ma ofisa faasalalau I le laloagi atoa poo le World Press Freedom Day i le gagana peretania. Mo le autu i lenei tausaga o le “Information as a Public Good” poo Faamatalaga mo le lelei Lautele.
E pei ona silafia o le tausaga e 1993 I le masina o Tesema na amata ai ona faamamalu lea aso faapitoa ma o le auga ma le taua ia amanaia le sao o tusitala ma le au faasalalau e ala I ripoti taitasi e aunoa ma se tulaga e faapopole ai lo latou saogalemu .
E faamanatu ai vituti taua o le galuega faatusitala , ae le gata I lea o se aso faapitoa e manatua ai tusitala uma na maumau o latou ola ao faatino ai le galuega.
Mo Samoa ua talafeauga lelei lenei aso faapitoa ma le faalauiloa ai o le komiti fou o le faalapotptoga o tuistala ma ofisa faasalalau I le atunuu poo le JAWS lea ua filifilia ai mo le uluai taimi se tamaitai e avea ma peresetene o lea faalapotopotoga . O le susuga ia Lagi Keresoma lea ua seei mai I le tofi peresetene na te faaauaua le galuega lea na faafoe e le susuga ia Rudy Bartley I tausaga ua mavae.
I faatulagana o atunuu o le lalolagi e ala i le saolotoga o ofisa faasalalau ma tusitala o loo iai atunuu taitasi lea o loo tulai mai ai Samoa I le tulaga 21.
