Ua lipotia i le asō i Ausetalia nei se tasi o gaioiga e manatu nisi maimau pe ana aofia atu ai ma latou, i faamanuiaga o le a maua e tagata faigaluega e 41 o le kamupani a le Hancock Prospecting.
Fai mai le 9News o le tamaitai aupito mau’oa i Ausetalia o Gina Rinehart o le a faamanatuina le 69 tausaga o lona soifua ae o le a ia faimeaalofa ai i lana aufaigaluega lea e toa 41 i le tuuina iai o le tai 100 afe a le tagata, o se vaega o se lulu o loo faia e 4.1 miliona.
Fai mai e pe ā ma le 4 afe tagata faigaluega o le kamupani lea e galulue i le maina, malosiaga faatoaga ma o le 41 afe o le a ia foaia o le faamanatu lea o le 41 o tausaga talu ona ia faigaluega i le Hancock Prospecting lea ua avea i nei o ia ma taitaifono aoao.
O Rinehart ua atoa le 69 o ona tausaga ma o le tau aofai o le tamaoaiga o lea tamaitai i le taimi nei e 34 piliona.
