I le feiloaiga a le vasega o Tusitala ma le Komiti o Faalavelave Faafuasei ma le alii fomai ia Tagaloa Dr. Robert Thompson na faalauaitele ai tulaga ua iai Samoa ma lona aafiaga i le koviti.
Talu ai ona o loo faagasolo pea galuega a le Matagaluega e saili mafuaaga poo gafea tonu ona afua mai ai pe na aafia mai ai le tagata muamua na maua i le Koviti i totonu o Samoa. Na faamaonia e le alii fomai ua iai nisi ua aafia i le taimi nei ua iai le sootaga ma le tagata na aafia muamua ae o nisi e leai ni sootaga.
Na fesiligia ai e se tusitala le galuega a le Soifua Maloloina ma le system ma ia faapea ai afai o le tulaga lea ua iai le iai sootaga o nisi ae e le’o iai se sootaga o isi o lona uiga o se lape (fail) lea a le system ma le Matagaluega.
Na tali le alii fomai ma faapea na te lē taliaina lea tuuaiga faamatalaga ua tau le pua ma lafo atu i le Matagaluega e faapea ua fail ma ua silia ma le lua tausaga o taumafai pea le Matagaluega e faatino galuega e tali atu ai i le pepesi o lea faama’i.
Na faaopoopo le taitaifono o le Komiti o Faalavelave Faafuasei le susuga Agafili Shem Leo ma faapea “O le taimi lenei o tatou e tatou te galulue faatasi e tulei le galuega lenei ina ia malu le faafofoga mai a si o tatou atunuu, o taimi faigata nei ma e le’o ni taimi foi sa tatou faapea e lē oo mai, it was only a matter of time, it wasn’t a question of IF it was a question of WHEN, we will going to get it, now we are in that situation, e pei ona saunoa le tamaitai Palemia, o le agaga lea e le’o toe moomia e tatou le tusitusi lima, o le agaga lea e tatalo atu foi i le faafofoga mai a tatou Ofisa faasalalau, we have been doing this for more than two years, more than 24 months, o loo taumafai pea le tatou galuega ae o loo ua i tatou fanua le faama’i, oute iloa e alu i luma so tatou vaa ma tuli i luma se ai o le atunuu o loo tapuai mai ina ia malu pea le faafofoga mai o le atunuu i taimi faigata nei ma taimi e ono lōfia ai i tatou i le eseesega ma le tele o manatu ma finagalo ae tasi a le liu tatou te tau fai tā uma iai, ia malu Samoa, ia o’oo’o atu le fesoasoani ma le taumafai a le tatou Komiti ma le alii fomai ma le sector ua lailoa i le tele o taumafaiga o nei tausaga ao loo taumafai pea i le tatou galuega i se mafai e mafai ai”.
O le taimi muamua lenei ua mafai ai ona faatino e le NEOC se feiloaiga ma tusitala i luga o le Zoom ua mafai ona maua ai avanoa o le vasega o tusitala e fai ai fesili e oo lava i tusitala mai Niu Sila ma Amerika Samoa.
