O se tamaitai mai Sini na ia maua le faitau miliona o tupe mai le National Australian Bank poo le NAB o le a faamanatu nei lana Kirisimasi i le falepuipui a o tālia ai le tuuina mai o lona faasalaga atoa i le tausaga fou.

O Helen Mary Rosamond na aveina ane e leoleo i le asō ina ua malo le talosaga a le crown e tuuina loa o ia i le falepuipui e tālia ai le lauina o lona faasalaga. 

E 47 tausaga o lea tamaitai na faamaonia e le vasega o faatonu o le faamasinoga lona solitulafono i le masina o Novema, i le mataupu e aofia ai moliaga e 90 o le taufaasese ma le faatino o nisi o suiga faasolitulafono i invoices mai lana kamupani Human Group agai i le faletupe ma maua ai ana tupe.

O le mataupu sa aofia ai ma le isi foi tamaitai o loo tuli nei foi lona faasalaga i le falepuipui ma o le aso 6 o Mati o le tausaga fou ua fuafua e lauina ai lona iuga.