O Supamaketi tetele uma e lua a Ausetalia ua tau fai faaalia o le faaitiitia le tau o le faitau selau o a la oloa a o faaauau pea ona maitauina le taugata o le soifuaga i le atunuu.
O Coles ua o latou folafola i le asō o le a faaitiitia le tau o oloa e 150 mai ona faleoloa amata i le Aso Lulu o le vaiaso nei ma o le a faaauau ai pea le faaitiitia o le tau o ia oloa seia oo i le faaiuga o Ianuari o le tausaga fou.
O le masina o Aokuso o le tausaga nei na folafola ai foi e Coles le faaitiitia o le tau o le 168 o ana oloa ma o le folafolaga la i le asō o oloa e 150 o se vaega lea o lea faaaliga e pei ona tuuina mai muamua.
O le isi supamaketi le Woolworths ua o latou ofoina foi ni faamāmā avega o le au faatau lea ua faailoa i lipoti ua amata ona faapau le tau o oloa e silia ma le 40 ma ua faailoa o le a tele tupe a le au faatau e faasaoina mai ai i lenei faiga.
O le a faaauau pea lea tulaga seia oo i le aso 29 o Novema o le tausaga nei.
