Fai mai o le lē lava o le aufaigaluega na tapunia ai se vaega o le falema’i e fai ai scans ae toe tasi le aso aga’i ane iai le minisita o le matagaluega e folafola le vave o le faia o scans.

Na ta’ua i le lipoti a le RNZ o Dr Shane Reti na ia faalauiloa le ulua’i masini o masini e valu mo le digital radiography i le falema’i i Ueligitone i le taeao ananafi ma ia ta’ua ai o le a vave ona togafitia tagata pe a vave maua foi i’uga o scans e faia.

Peitai ua ta’ua i le lipoti o le Aso Lua o le vaiaso nei lava na tapunia ai lea vaega o le falema’i mo le lua ma le ‘afa itula ona sa livi le tagata faigaluega ma lē lava foi isi e faatino lea auaunaga.

E lei iai ni aafiaga o lea tulaga i ni gasegase peitai fai mai le lipoti o le tulaga lea i le lē lava o i latou e faigaluega i le fā’ata aemaise foi o foma’i o le radiology, ua autausagā o tupu pea.

Puna o Faamatalaga: https://www.rnz.co.nz/news/political/525823/staffing-forces-hospital-department-shutdown-a-day-before-minister-s-visit