Tusia : Maina Vai 

Ua faamaonia mai e le Komesina Lagolago Afioga Leiataualetauā Logoimauga Samuelu Afamasaga e toatolu leoleo (constables)ua faamalolo lē tumau a’o faia ai suesuega a le Matagaluega i le so’otaga o i latou i fualaau fa’asāina. 

Ua fa’amaonia foi le fa’amavae ai o se tasi leoleo a’o le’i faia ai le su’esu’ega, o i latou uma nei o lo’o a’afia ai i le silia i le 20 leoleo na suesueina. 

Na ta’ua e Afamasaga o le to’atasi o le to’atolu ua fa’amalolo lē tumau ai, ua leva ona faia iai lea fa’aiuga ae o le isi toalua lea fa’atoa fa’amalolo ai ao alu pea le taumafaiga a le Matagaluega e saili le so’otaga o malu nei o le malo ma fualaau fa’asāina. 

Saunoa Afamasaga e fa’apea “A uma le suesuega e molia i criminal charges o le mea ga e iai, a’o lea e alu a both, criminal and administrative charges pe a sufficient evidence”
Na fa’ailoa muamua e le komesina lagolago ua leva ona vaavaai pea le Pulega o le matagaluega i tulaga o gaioiga a leoleo nei, ma aoao fa’amatalaga ma fa’amaumauga lea na ala ai ona manatu e faia se suesuega ia i latou. 

O nei taumafaiga a le Matagaluega ua afua ina ua vaaia pea le tulaga maualuga o le maua ai o le fualaau fa’asaina o le aisa i le atunuu. O ni osofaiga sa faia e leoleo i totonu o le masina e tasi ua fai ma popolega ona o le fa’atupulaia aemaise ai o lea lava e maua fa’atasi ma auupega e le fa’atagaina i totou o Samoa .

Sa fa’aalia e Afamasaga i lana saunoaga muamua o le matagaluega o leoleo e le manaomia ai tulaga faapea. 

“Matou te lē mananao i ni tagata corrupt ma dishonest i le job lea”