Ua ioe le tausi soifua i ona moliaga e 20 o lona tala penefiti i le silia ma le 20 tausaga, peitai sa le tatau ona agavaa iai.

E le o mafai ona faailoa le igoa o le ua ia ioeina ona moliaga atoa ai ma le pitonuu o loo galue ai o se tausi soifua.

Ua lipotia e silia ma le $208k tupe na talatala e le tausi soifua i le va o le 2007 ma le 2015 e na te lei ta’ua i le Ministry of Social Development a mea ua iai suiga.

E ese mai i le lē faailoaina o ana tupe maua, o lea foi na maua i suesuega na faia o lea lava sa iai le toalua o lea tina talu mai Oketopa o le 2008.

I le iloiloina ai o lea mataupu i luma o le faamasinoga, e moni o lea sa ia mauaina nei tupe faasolitulafono peitai o loo malamalama foi le faamasinoga o lea sa ui i taimi faigata le ua ioeina lana solitulafono ma ua le alu ai e tuli sona faasalaga i le falepuipui ae o lea o le a faamalolo le tumau mo le 9 masina lana tausi soifua ma totogi tupe ua mae’a faatonuina e fai.