Ua faamaonia mai nei le mae’a ma le manuia o le galuega fita sa feagai ai su o le Vaega o Puipuiga a Niu Sila (NZDF) i le motu o Ma’uke i le Atu Kuki.
O lea galuega ua faaigoaina o le Exercise Tropic Twilight 2025 ma o se vaega e agai lea i le fesoasoani atu e toe faaleleia o itu ma vaega o loo maua mai ai le eletise e faaaogā ai le malosi’aga o le lā poo le solar farm a le motu o Ma’uke, o galuega mo vai taumafa, o se hall ma le falea’oga a lea motu o le Atu Kuki, Apii Ma’uke.
E silia ma le to’a tolusefulu tagata galulue o lea auaunaga a le malo na agai atu i le Atu Kuki mo lea galuega ma na māua ai foi le tuu atu o le tau’au fesoasoani a sui mai Fiti, Tonga, ma Vanuatu.
O lenei polokalame tāua sa faatupe e le Matagaluega o le Va i Fafo a Niu Sila, ma e tusa ai ma se pepa o faamatalaga le matgofie o tulaga uma i le faatinoga o le Exercise Tropic Twilight 2025. Na molimauina foi le auai o le toatele i faatasiga ma faaatinoga ma sui o lea motu.
Ua faaalia ai le telē o se aoga o lenei polokalame e le gata ina tali ai i mana’oga a lea faaitu o le pasefika ae o le saga faatumauina ai sootaga lelei o atunuu e lua.
