Sa faaauau pea ona faalogoina luluuga i le po anapo i Taupo talu mai le mafuie 5.6 le malosi na aafia ai i le aso ananafi. 

Talu mai le taimi lea ua lipotia e le OneNews sa faalogoina pea luluga ia mai le vaeluaga o le po anapo ma fai mai se lipoti e vaivai e le malosi ia luluuga. 

O le mafuie 5.6 na faamauina ananafi o le mafuie malosi lea ua aafia ai le faaitu lea o Taupo talu mai le 2019 e 5.0 le malosi na faalogoina. 

Ua maitauina le faateleina pea o mafuie i le faaitu lea talu mai Me o le tausaga nei e pei ona faailoa i lipoti a le Geonet. 

O loo mataitu pea e le aufaigaluega a le Geonet lea mataupu aemaise le mataituina o se galulolo e ono mapuna mai ai.