Na faalogoina laau malosi o pāpā i se tasi o faletalimalo i Papatoetoe i Aukilani anapo, ma o lea na vave iai leoleo.
E tusa o le ‘afa o le itula e 6 i le afiafi lea e faapea na faalogoina ai ma i faamaoniga mai leoleo e leai se isi na faamanu’alia ai.
Na tapunia ai ma se vaega o le Great South Rd i le va o Puhinui Rd ma Carlie St ma e ta ane le itula e 9 anapo ua toe tatala.
I nisi o molimau i tala a le Newshub o lea na faalogoina e nisi o loo nonofo i le faletalimalo finauga faapea ai ma le pāpā o laau malosi.
O lipoti a leoleo e faapea e taunuu atu ua alu ese lē na faapāina le laau malosi ma o loo faasolo pea nei suesuega.
Puna o Faamatalaga: Police swarm Papatoetoe after shooting at Allenby Park Hotel | Newshub
