Foliga mai o le a le mafai ona faatasia nisi o aiga i lenei Kerisimasi ona o le tulaga le mautinoa i visa malaga atoa ai ma tala ua faaletonu le system.

E faitau afe visa tafao o matua ua toe maua nei na poloka e le system ona o nisi o faaletonu i masini komepiuta ma o lea foi na aafia ai visa tafao ua ta’ua o General visitor visas.

I molimau a nisi i luga o tala a le leitio a Niu Sila o lea sa faatalosaga ia Aokuso le visa tafao o lona tamā e sau ai i Niu Sila e fai Kerisimasi mai, peitai ua le mafai nei ona taunuu.

Ua tusi ai ma le Immigration adviser ia Matt Simpson i le suetusi sili ma faatalosaga le tatau ona faia se iloiloga faapitoa i le system fou a le Immigration.

O le tolu vaiaso talu ai na fai mai ai le Immigration i luma o le koneferenisi a le Migration ma Investment o loo taumafai ia faafoi galuega ma taimi e Iloilo ai talosaga ina ia faatasia aiga i taimi o le Kerisimasi.

 i faamaumauga pe a ma le 34,000 talosaga o visa tafao e lei faagaioia ma pe a ma le 10% o lea aofaiga o talosaga mai ia Aokuso.