I le toafa i le toaono fanau sa lesitala ma aooga i le semester muamua poo le semester 2, i le lala o le Iunivesite a le Pasefika i Saute i Salelologa i Savaii ua molimauina, le siitia o lea numera i le 20 tama ma teine i le semester.
O lea tulaga lelei i le siitia o tagata e fia ave mataupu i le Iunivesite a le Pasefika ua faailoa ai foi e le pulega o le iunivesite le faaleleia ai ma le initaneti o loo faalagolago iai fesootaiga, mo le faaaogaina i suesuega a fanau ma maua ai aoaoga i mataupu o loo latou tauaveina.
Ua faailoa e le pulega o le USP, o se tasi lea o laasaga lelei i le taumafai atu e faaaoga e tama ma teine ma le lautele o le atunuu o alala i le motu o Savaii le avanoa e faaauau ai aoaoga i se isi tulaga maualuga atu, ae ia faigofie ona maua lea avanoa e pei ona iai nei le nofoaga i le taulaga i Salelologa i Savaii.
