O ni uaea eletise malolosi e taooto i lalo o le palapala na mū, sa māfua ai ona pē soo le eletise i le Aso Gafua ma le Aso Lua o lenei vaiaso, ma toe faalogoina ai le sa’i o finagalo o nisi o le atunuu i le motu o Upolu. Ua faailoa lea māfua’aga o le pē o le eletise, e le Pule Sili o le faalapotopotoga o le malosi tau eletise i se fono ma tusitala ma ia faailoa ai, o le uaea malosi e fesoota’i ai le fale eletise i Fiaga ma Tanugamanono na tula’i mai ai lea faaletonu.
O se finagalo o le Pule Sili o le faalapotopotoga o le malosi tau eletise, le tofa Fesola’i Faumui Tauiliili Iese To’imoana.
O le toe faaleleia o uaea malolosi i lalo o le palapala sa faaletonu ina ua mū ua faailoa foi e le alii Pule Sili ua silia i le 10 tausaga talu ona faaaogā, ma o le sao iai o le vai ma le tele o tausaga o ia uaea, o nisi o māfua’aga o le aafia i le faaletonu sa tula’i mai.
O loo faaauau pea ona lisi e le malosi tau eletise afi e 12 lea ua lava ai le faasoaina o le eletise i vaega eseese o le motu o Upolu.
