Ua tuuina mai se faamaoniga mai le Virgin Australia ua faalēaogāina uma foi ana faigamalaga e malaga atu ma malaga ese mai Denpasar ona o se maugamu foi ua pa i Indonesia.
Ua faailoa e le Virgin e tele foi isi kamupani vaalele ua faalēaogāina foi a latou faigamalaga i lea lava faaitu na amata mai i le po anapo.
O le maugamu lea o Laki Laki na pa i le vaiaso talu ai peitai la ua vaaia le malosi o le asu ua alu ane ai ma o le faamata’u lea i le feoa’i a vaalele.
Fai mai ua aafia uma faigamalaga a kamupani e pei o le Qantas, Jetstar ma le Virgin ma le faamatalaga o le saogalemu lava o le pasese e ave iai le faamuamua aemaise le auvaa.
O le faamatalaga mai le Virgin i le taeao analeila ua ta’ua ai o le faaletonu o le tau mai le maugamu lea ua afua ai ona faalēaogāina faigamalaga ma o loo galulue le ‘aufaigaluega i le toe fetuuna’iga o ia malaga pe a talafeagai ma saogalemu.
Fai mai o isi faigamalaga na taumafai lava e faaauau i le po anapo na toe faafoi mai ona o aiaiga lava tau puipuiga.
Puna o Faamatalaga: https://www.9news.com.au/national/bali-flights-qantas-virgin-jetstar-flights-mount-lewotobi-lakilaki-volcano-erupts/f4ad711c-fe46-4b84-afbe-9ea9acad5da1
