Ua faalēaogāina uma faigamalaga a le Ea Niu Sila agai i Niu Kaletonia mo le isi 3 masina ona o tulaga lē mautonu o iai le atunuu.
E lei toe alu lava se faigamalaga a le Ea Niu Sila i Niu Kaletonia talu mai vevesi na tutupu i le atunuu i le ogatotonu o le masina na te’a nei.
O se sui o le kamupani vaalele na ia faailoa i le One News o pasese uma o loo umia pepa malaga mo ni faigamalaga i Niu Kaletonia mo le isi tolu masina o le a lē toe fetuuna’ia a latou bookings i nisi faigamalaga ae mafai ona filifili e toe faafoi ane a latou tupe (refund).
Ua faafetaia foi e le kamupani ana paaga ma le atunuu femalagaa’i ona o le malamalama ma le onosai a o faia feutana’iga i lenei mataupu ma e lei māmā foi ia latou le faai’uga ua faia.
O loo ta’ua i le lipoti o loo iai fuafuaga mo le toe faaauauina o le auaunaga i le mavae o le aso 28 o le masina o Setema.
Puna o Faamatalaga: https://www.1news.co.nz/2024/06/10/air-nz-cancels-all-new-caledonia-flights-for-months-refunds-promised
