E le sa’o le vāea o le tusa ma le 170 tagata faigaluega a le AUT poo le Auckland University of Technology.
O lea ua sau le faatonuga mai le Employment Relations Authority ia faaleaoga lea fuafuaga ma e le tatau ona toe faia nisi tusi e faatonuina ai le vaega o sui o le iuni.
O Setema o le tausaga talu ai na amata taumafai mai ai le iunivesite e vāea le tusa ma le 170 o lana aufaigaluega, ma o lea na sulu ai loa le iuni i le faamasinoga o loo iloiloina mataupu tau galuega.
Mai ia Tina Smith o le peresetene o le Tertiary Education Union, e faateia le sau o le faasilasilaga o le vaega ae o lea na maua tupe faasili e $12.8 miliona i le tausaga faaletupe e 2021 a le iunivesite, e ese ai le $12.2 miliona i le 2020.
