E telē le gau o le aufaifaatoaga ona o le faaleagaina o meatoto i le malosi o le malulu na toe sau nei.
O molimau nei a i latou i le ogatotonu o le North Island, ma o le toatele o le aufaifaatoaga o loo totoina strawberries.
Na lipotia e le leitio a Niu Sila le faaleagaina o le 160 eka asparagus e mafua mai i le malosi o le malulu.
E ese mai i faatoaga ua ma’umau, o nisi ua faatuai ai ona tapena uta e la’u e faatau.
E le o faigofie i le toatele a o taumafai ai e toe faaolaola pisinisi mai aafiaga o le Koviti, aemaise o nisi o meatoto e na o le faatasi ona fua i le tausaga.
E le o mafai ona mautinoa le atoaga o le gau mo nisi o pisinisi.
