Ua faatulaga o le a faaauupegaina le Navy a Ausetalia i le silia ma le 200 o  auupega missiles  o Tomahawk a o iai popolega i le faatupulaia pea o gaioiga faamiliteli a Saina i le itulagi.

O le minisita o le puipuiga o Pat Conroy o le a ia folafola i le asō se inivesi e 1.7 piliona o le a iai i masini ma auupega faaonaponei e faalautele ai taumafaiga a Ausetalia i le vaega o le puipuiga.

Fai mai Conroy o le faatauina o auupega ia o le a unaia ai le agavaa o le auaunaga.

O ituaiga auupega ia o le Tomahawk o auupega faatonutonu alualu mamao e oo i le 1500 km e mafai ona oo ai.

O loo feta’ua’ina foi i lipoti le isi vaegatupe e 431 miliona o le a faailoa e le malo mo le faatauina o isi meatau o missiles mai Amerika.