Ua mae’a faalauiloa le Tala Faatatau o le Tupe poo le Paketi a le malo e pei ona folasia e le teutupe Jim Chalmers i le po anapo ma ua laualuga ai le faaitiitia o lafoga totogi poo tax cuts o le a amata faamamalu i le tausaga fou 2026 faasolo atu i le 2027 ma o le faaauauina lea o tax cuts na amata faia mai ia Iulai 2024.

Ua folasia la o le aso 1 o Iulai 2026 o le a faaitiitia ai le tupe totogi mo le lafoga mai le 16 pasene i le 15 pasene, lona uiga ua sene ua itiiti ai le tupe e totogi mo le tala e tasi e earn pe maua e le tagata faigaluega e i le va o le $18,201-$45,000 le tupe maua.

Ae a oo atu i le 2027 o le a toe faaitiitia ane foi i le 14 pasene lafoga totogi.

Fai mai o lea fuafuaga o le a faaalu ai le $17.1 piliona.

Fai mai le teutupe tusa lava poo le ā lau galuega, pe aveloli, faia’oga, faigaluega leipa pe iai foi i auaunaga gaosi mea ma isi o le a tele atu lava le tupe e lē a mafai ona faasaoina pe a tele le totogi e maua.

O isi vaega aofia i le paketi o le fesoasoani tau tupe mo falema’i faalaua’itele mo le faaleleia o auaunaga aemaise foi le $7.9 piliona mo le Medicare e faaleleia ai lana auaunaga mo le faitau miliona o tagata Ausetalia ia mafai foi ona aga’i i foma’i faaleaiga e aunoa ma se totogi.

Puna o Faamatalaga: https://www.google.com/amp/s/amp.abc.net.au/article/105095776