Ua faateteleina le mālulu i Ausetalia pei ona faamaonia e le vaaitau le aafia o le tele o vaega o le atunuu i le mālūlū ma e foliga ua sili atu lava le tausaga lenei le malosi o le mālūlū nai lo isi tausaga e lei leva atu nei.  

O loo fautuaina pea tagata ia faaeteete e lē gata i luga o alatetele ma femalagaa’iga aemaise foi i le saogalemu ma malupuipuia a o nonofo ai i maota ma laoa a o faifai tetele mai faiga a le tau mālūlū.  

Fautuaina Niu Sa Uelese i timuga i le faai’uga le vaiaso i le mae’a o le susulu malosi o le la mai le vaiaso talu ai ma le amataga o lenei vaiaso. O le vaiaso nei ua faailoa aloaia mai ai le i’uga o le census sa faia a le atunuu lea e faapea se manatu taatele faaalia o tagata ua iai se suiga ia Ausetalia fua i le eseesega i mea sa aoina mai ai faamatalaga.  

O se tasi vaega ua maitauina mai le i’uga o le census e toeitiiti 60 pasene o tupulaga ua faaigoa o baby boomers e iai sootaga i tapuaiga faakerisiano fua agai i le na o le 30 pasene o tupulaga faaigoa o Millenials e iai sootaga faapea.