E ese isi ituaiga o taavale a le falema’i poo ambulances lea ua faalauiloa aloa’ia i le vaiaso nei i Niu Sa Uelese ma o ituaiga fausaga aupito lata mai ia ua fausia ai ia taavale o le a faamautū i nofoaga aupito sili ona lamatia i uiga loulouā o le tau i lea setete o Ausetalia.
O taavale ua faaigoa Hazardous Area Rescue Ambulances poo Haras i le faapuupuu e mafai ona āsaina se loloto pe oo i le 1.2 mita le maualuga i taimi o tafega ma lōlōga ma e mafai ona lavasa’ia se afi, fireproof ma iai ona vaega e mafai ona fesoasoani e faamālū ai le taavale pe a velasia i le afi.
Fai mai o le taimi muamua lea ua faaaogā ai ia ituaiga taavale i le lalolagi atoa ma e patino tonu lana auaunaga i taimi o afi ma lōlōga.
E 8 la taavale faapea o le a faaaogā i Sini ma Niu Sa Uelese atoa, ma o le a faamautū i pitonuu e pei o Lismore e masani ona aafia i faalavelave faalenatura.
Puna o Faamatalaga: https://7news.com.au/news/nsw-unveils-fleet-of-rescue-ambulances-that-can-handle-fire-and-floods-c-16323637
