O le Unesco ma le kamupani Niu Sila sa fausia se fesootaiga tafailagi poo se App e vave ma siitia ai le mauaina o faamaumauga aua suesuega a le Faalapotopotoga o le Toomaga mo Ē Puapuagatia, ua amata faaaoga nei, i le suesueina o ni mataupu e faatoai i lea faalapotopotoga e fesootai i le sauaina o tina ma tamaitai faapea fanau teine laiti i lo tatou atunuu.
Na faaalia e le susuga Tafatoa Samuel Fruean o se ofisa sinia o le Toomaga, e iai ma isi faafitauli o le a mafai ona foia i le faaaogaina o le fesootaiga tafailagi fou aua galuega tau fesootaiga i le va o le Toomaga ma faalapotopotoga faavaomalo o loo latou galulue faatasi.
Le susuga Tafatoa Samuel Fruean o se ofisa sinia o le Toomaga mo Ē Puapuagatia.
Ua iai le faamoemoe o le faalapotopotoga o le faaaogaina o lea fesootaiga tafailagi fou e le gata o le a vave ai ona maua faamaumauga manaomia ae o le a malupuipuia au foi mai le iloa e nisi o le ofisa, aemaise lava i mataupu e suesueina ai ni aafiaga o tamaitai ma fanau teine i sauaga aemaise o isi aafiaga e fesootai i ni gaioiga faasolitulafono.
