O le Covid 19 Wage Subsidy Scheme a le malo o Niu Sila ua avanoa nei mo pisinisi uma I le atunuu o loo aafia I le tapu poo le lockdown ua toe amatalia nei pei ona saunoa iai le minisita o Tupe a le atunuu, Grant Robertson.
O le Wage Subsidy Scheme ua avanoa I le atunuu atoa pe afai e agai I le Alert level 3 poo le 4 foi mo le fitu aso ma e fesoasoani ai I pisinisi e agavaa ina ia faaauau pea ona totogi tagata faigaluega ma puipui ai galuega.
E mafai ai foi ona agavaa pule o galuega I soo se vaega ole atunuu ina ia talosaga mo se fesoasoani pe afai e silafia o le a ono oo atu I le 40 pasene o tupe maua a le pisinisi o le a lusi ona o le tapu.
O lona uiga o le a mafai ona agavaa pisinisi mole $600 ile vaiaso mo le tagata faigaluega fulltime e toatasi poo le $359 ile vaiaso mo le tagata faigaluega part time.
Ua faailoa I lea lipoti e mafai ona amata talosaga pisinisi e agavaa I le fuafuaga lea I le aso faraile nei 20 o Aokuso ma e mafai ona maua le tupe I le tolu aso mulimuli ane. O loo iai ma isi fesoasoani faatatau I le tapu mae mafai ona agai I le upega tafailagi a le work and income mo nisi faamatalaga.
