O le sa’iliga o se tamaitiiti e 5 tausaga le matua ua faai’u i se i’uga faanoanoa ina ua maua lona tino maliu i le itu i Saute Sisifo o Sini, e talitonuina sa malemo.
O le sailiga o le tamaitiiti na amata ina ua logo e lona aiga leoleo ma talosagaina ai le fesoasoani a le lautele ma popolega mo si tamaitiiti.
Fai mai na vaaia i luga o se magāala i Chipping Norton o savali ane ai e leai ni seevae i le afiafi poo le te’a o le ‘afa o le 6.
Na fesoasoani ane i le sa’iliga nisi o le komiuniti faapea ma le fesoasoani faavavave, na sa’ilia ai magāala ma nofoaga o paka lea e lalata i le Georges River.
Ua faailoa e le Alaata 9 poo le te’a laitiiti o le 10 i le po na maua ai se tino maliu fai mai leoleo o loo faatalia faamaoniga ae talitonuina o si tamaitiiti lea o loo sailia.
E lē o silasila leoleo i le mataupu lea e masalomia ai se tasi ma o loo galulue nei i le saunia o le lipoti mo le coroner.
Puna o Faamatalaga: https://www.9news.com.au/national/chipping-norton-search-missing-five-year-old-sydney-boy-found-dead/2ac004a3-db5d-4edb-b2e6-4d8782032f38
