I se vaaiga i tulaga o pisinisi i le atunuu ua faailoa e le Herald, sa pa’ū le aofai o oloa auina atu i fafo ma oloa foi sa aumaia i le atunuu i le masina lava ia na te’a nei o Aokuso pe a fua atu i le taimi lea i le tausaga talu ai.
O le lipoti ua ta’ua ai oloa aumai i le atunuu poo imports na faaitiitia ae o oloa e pei o fruits ma isi sa aveina atu i maketi i fafo sa siitia i le masina talu ai e fua ia Aokuso 2023, o le kiwifruit sa siitia foi le aofa’i na ave atu i fafo mo le masina ua tuana’i e fua i le masina lava lea i le 2023.
Peitai la o le aano o manufasi poo le meat sa auina atu i fafo sa faaitiitia, pa’ū le mamoe ma le povi mo maketi i fafo.
O le lipoti i lona aotelega o oloa ave atu i fafo ua iloa ai sa faaitiitia faatusa i le tausaga talu ai ma e faapea foi i le itu tau faatoaga.
Fai mai le aufaifaatoaga i le Herald o oloa e aumaia i le atunuu e faigata foi ona faamatala ona e fua lava mea uma i le tagata faatau, o loo fai lava si lemu o le maketi ma le mana’oga o oloa ia mai Niu Sila i maketi i fafo i le taimi nei.
Puna o Faamatalaga: https://www.nzherald.co.nz/business/exports-and-imports-both-down-trade-deficit-at-22-billion/RVRX6PMUZRDMTAEIN23QHLMXII/
