Ua faaitiitia ele malo le taimi e faanofoesea ai se tagata ua aafia ile koviti faatasi ai ma household contacts ile nao le fitu aso mai le 10 aso sa iai muamua. Fai mai le minisita o Chris Hipkins o lea suiga o le a amata faamamaluina amata atu I le 11.59 ile po o le aso faraile nei.
Fai mai le minisita e tatau ona iai se paleni ile va o le faatonutonuina o le pepesi a le faamai ma le faagasologa o auaunaga I pisinisi ma auaunaga e tatau pea ona faaauau essential goods and services, auaunaga e pei o femalagaaiga ma le sapalaia o taumafa.
Faailoa e le minisita o le naunautaiga ina ia taofia le faaauau pea o le pepesi ale omicron ma o le fitu aso lea ua sui mai nei iai o le a faamuta ai foi ma nisi avanoa e ono toe pepesi atili ai le faamai ma faamautinoa ai o le a mafai ona toe foi tagata I galuega ise taimi vave ma faaitiitia ai ma aafiaga ile faagaioia o pisinisi.
Ua faailoa ile lipoti a le newshub afai o loo faanofoesea se tagata ma iai pea auga ile maea o le fitu aso, o le a fautuaina ia nofo pea I le fale seia maea le 24 itula talu ona le toe faalogoina ni auga.O le aso 15ole masina na tea nei o Fepuali na sui ai e le malo le umi o le taimi e faanofoesea ai mai le 14 aso na iai ile nao 10 aso peitai la o lea ua toe tuu mai I lalo ile nao le fitu aso.
