Ua faaataata mai se siitaga i le tau o nisi o oloa e gaosia mai i le pateta ona o lipoti ua ta’ua ai le faaitiitia o le sapalai o le pateta. Ua aafia faatoaga pateta i le mamafa o timuga.
O le masina talu ai sa faailoa ai e le supamaketi a Coles o le a iai se faatapulaa i le aofai o taga pateta e mafai ona faatau e le tagata e toatasi ma o le a toe iiai se suiga pe a toe foi i le tulaga sa masani ai lea foi fualaau mo le fofoga taumafa o le atunuu.
E oo lava foi i faleaiga mo taumafa vave fast food e pei o McDonalds ma le KFC ua maitauina foi le suiga ua iai i taumafa e faaaoga ai pateta aemaise lava i chips.
Ua agiga i luga o le social media ata o faleaiga ua faailoa i le aufaatau le vave uma o chips ona o le sioti o le pateta.
O le faaletonu foi o tulaga e toto ai le pateta i Tasmania le isi mafuaaga o le faaititia atili o le sapalai.
E ui la i lea faaletonu ae o loo faamaonia mai e le Woolies o loo tumau pea lana auaunaga e ui e ono iai se suiga i le tau ae o le a leai se fuafuaga mo le taimi nei e faatapulaa le aofai o taga pateta e mafai ona faatau e se tagata.
