O le asō lea e faapea e faailoa ai e le TVNZ i lana aufaigaluega fuafuaga o loo ta’ua mai ai ma le vāea.

O le Aso Faraile o le vaiaso faatoa uma atu na lipotia ai le gau e $4.6 miliona a le ofisa faasalalau mo le 6 masina muamua o lenei tausaga faaletupe lea na faauma i le masina o Tesema.

Lipotia a le 1News molimau a le TVNZ, o lea lava na muai faailo mai fuafuaga o loo vaavaai e tuuitiitia ai lana aufaigaluega a o toe fetuutuunai le auaunaga e mafua lea i tupe maua ma luitau o loo iai.

E iai nisi o lipoti o le asō e fono ai tusitala TVNZ mo le vāea ua ta’ua mai, peitai i lipoti a le 1News, e lē o iai se fonotaga ua talo ae na o le fai mai o le asō e maua mai ai le faamaoniga o le vāea.

O loo lipotia e le Herald e silia ma le 60 avanoa faigaluega o le a vāea, ma e silia ma le ‘afa e mai le vaega o tala fou.

E lē o faigofie i ofisa faasalalau, e pei ona faatoa uma atu ai foi le tala faanoanoa mai le Warner Bros Discovery lea e onaina le Newshub i le vaiaso talu ai, lea e aafia ai le tusa ma le 300 tagata faigaluega.