O le taeao nei ua amata faaitiitia ai femalagaiga a trains i Aukilani a o suesue ai se vaega o le ala train e le o saogalemu.
O le laina i le itu i Sisifo o Aukilani lea e le gata o le a faaitiitia le numera o faigamalaga ae o le a faaaoga foi na o le ala train e tasi.
O le a aafia ai feoaiga i le va o Swanson ma New Lynn, faapea ai ma le alu ma toe foi mai Britomart.
O se lipoti mai le Auckland Transport o lea ua galulue ma le KiwiRail a o faia ai nei fesuiaiga ma e lei mautinoa mai se tala a le pulega poo le a le umi o le a faaauau ai ona aafia pe faaitiitia faigamalaga a trains feoai atu i le itu i Sisifo.
O suesuega ua faia nei ua faia ai ina ua iloa e se tasi o le aufaigaluega le maluelue o le pou moli i luga ane o le auala ma o lea na amata lemu ai le saoasaoa o trains seia oo mai ai ananafi ma mautinoa ai ua iai le aafiaga o tracks poo le auala o trains.
