O se lipoti fou ua faalauiloa mai e le kamupani o le Henley and Partners i Lonetona ua faailoa mai ai tusifolau aupito sili i le lalolagi.
O le suesuega sa faataunuuina e i latou ia ua faatulaga ai atunuu e 10 pito i luga ona o le tāua o latou tusifolau.
O Slovakia ma Lithuania o loo tutusa i le tulaga 10 ma e tuuina le avanoa e malaga ai i atunuu e 83 e aunoa ma se visa e tau talosagaina.
O Hungary e sosoo ane ai ma e mafai ona malaga le tagata i atunuu e 184 i lea tusifolau ma e tau fai tutusa ai ma Polani.
Faasolo mai ai i isi atunuu e pei o Malta, Greece ma Kanata, ma Ausetalia o loo tutusa uma i le tulaga 8.
E tulaga 7 Niu Sila lona uiga e malosi atu nai lo Ausetalia. O le Czech Republic e tulaga fitu faatasi ma Niu Sila ma Amerika, ma Switzerland, Norway ma Belgium, United Kingdom i le tulaga ono faatasi ma Portugal, Farani ma Aialani.
E tulaga 5 Netherlands ma Sweeden, Denmark ma Austria.
O Luxembourg ma Italia, Finland i le tulaga 4. O Sepania, Siamani i le tulaga 3. O Korea i Saute ma Singapore i le tulaga 2 ma Iapani o loo saofai mai i le numera 1, ua faamauina o le tusifolau aupito sili lea i le lalolagi e mafai ona malaga ai i atunuu ma nofoaga e 193.
