Ua folafola e le Oceania Rugby taamilosaga e lua o le a faia a o lumanai ai taaloga a malo o le taupulega poo Commonwealth Games o le a sosoo ai. Ua faailoa i le RNZ e ono ‘au a alii ma le ono o ‘au a tamaitai o le a auai ai i le Oceania Rugby Super Sevens e aofia ai Ausetalia, Fiti, Niu Sila, Papua Niu Kini ma Tonga ma se isi ‘au e tasi ma o le taamilosaga lea o le a faia i le aso 24-26 o Iuni.
Talu le koviti ua faaitiitia avanoa mo le autaaalo a le Pasefika mo le auai ai i isi taamilosaga e pei ona masani ai, o Tonga ma Papua e lei toe faia lava ni taaloga ta’ito’afitu mo le lua tausaga pei ona faailoa i le lipoti.
Fai mai le sui mai le Counties Manukau Rugby, Aaron Lawton o le Oceania Rugby Sevens o le a avea o se unai malosi mo ‘au a o sauniuni ai mo taaloga o le Commonwealth i Birmingham lea e amata i le faaiuga o Iulai.
O le aso 14 o le masina nei e faalauiloa mai ai le draw poo le faasologa o taaloga a le Oceania Rugby Super Sevens.
