Ua faailoa mai e leoleo suafa o i latou e toalima na maliliu ina ua sa’e le vaafagota i Kaikoura.
O i latou nei, Catherine Margaret Haddock 65 tausaga o Lower Hutt, Susan Jade Cade 63 tausaga o Lower Hutt, Diana Ruby Stewart 68 tausaga o Kalaiesetete, Peter Charles Hockley 76 o Kalaiesetete, ma Maureen Patricia Pierre 75 tausaga o Kalaiesetete uma.
O le vaa lenei e oo mai lava i le taimi na faamautinoa mai ai suafa o tagata maliliu, e le o iai lava se isi tala e ese mai uluai lipoti na sau i tua o loo tuua’ia ai se tafola.
Na faia ai ma le sauniga i lea vaega o Kaikōura, ma ua faasā ai nei ona toe fagotaina mo le lua vaiaso lea ogasami.
O se sauniga faapitoa na faamanuia ai foi i tagata na fesoasoani i le sailiga na faia, aemaise o le faamafanafana i aiga faanoanoa.
E oo mai i le aso ananafi, e le o mafai lava ona talitonu aiga ua aafia i le mea na tupu ona e fai o le lagi lelei o le tau ae o lea lava foi na malū le sami.
