I lipoti lata mai a le Matagaluega o Aoga i Niu Sila ua faailoa ai galuega e tua iai Pulega a aoga taitasi i taimi o Faalavelave faalenatura e afea le atunuu.
Talu ai o aafiaga o le afā o Gabrielle o loo i luga nei o Aukilani ua iai nei le faamoemoe i Puleaoga ma Fono Faatonu e filifili ai le taimi tāua ma talafeagai mo aoaoga i totonu o potu aoga (on-site teachings) ae le gata i lea o le fesootai ai ma le komiuniti.
O fautuaga ua tuuina atu e le Faalapotopotoga o Faalavelave Faafuasei poo le National Emergency Management Agency mai le aso 12 o Fepuari 2023 e aofia ai vaega ia:
- Tapenapena mo le ono tapunia o nisi o auala i vaipanoa ua afaina
- Tapenapena mo le ono motusia o le eletise i vaipanoa ua afaina
- Aua le faatalitali se’i aumai se faatonuga e oese atu i ni nofoaga mo le saogalemu
- Faamaumau uma ni mea o tau matagataga
- Faamamā ese uma ni otaota o tau puni ai alavai
- Tuuititia le soona feoai solo e aunoa ma se mafuaaga tatau
Ua fautuaina foi le faaauau pea ona mataituina lipoti lata mai o fesuiaiga o le tau i luga o upega tafailagi e pei o le Civil Defense updates.
I vaega e manaomia ai fesoasoani i puleaoga ma Fono Faatonu (board members) ona faafesootai lea o soo se Ofisa a le Matagaluega o Aoga o loo lata ane https://www.education.govt.nz/our-work/our-role-and-our-people/contact-us/regional-ministry-contacts/
