Ua folafola mai e le Leipa lo latou sui o le a tamoe mo le palota laititi i Hamilton West.
O Georgie Dansey o loo avea nei ma ofisa sili o le Independent Schools Education Association ma na te umia le Body Fit Training i Te Awamutu ma sa avea foi ma sui faatu o le Leipa i le 2020.
Na saunoa le peresetene o le vaega faaupufai a le Leipa, Claire Szabo o lē ua faatu mai nei o loo tulai mo mataupu e lagolago e le leipa e pei o tulaga talafeagai ma avanoa ma fai mai Dansey e mananao tagata Hamilton West i se sui e malosi ma se leo o le faaitu i le malo ma e mafai ona avea o ia o lena leo.
Ua mafua le palota laititi ona o le faamavae o le faipule o Dr Gaurav Sharma lea foi o le a toe tausinio ai i le palota lea.
E toatolu sui o le National na ta’ua i le lipoti ananafi e aofia ai Rachel Afeaki Taumoepeau, Frances Hughes ma Tama Potaka. O le Opportunities Party ua faatu mai Naomi Pocock e avea ma o latou sui.
